Животот е моментот, животот е сега е концепт за посреќен живот, за духовен одмор во секојдневнието.
Во физичкиот материјален свет, постои само “сега”, тоа е моментот, линеарното време е само илузија. Колку повеќе сте фокусирани на сегашноста толку повеќе имате што да дадете. Фокусирајќи се на сегашноста имате можност да си помогнете себеси на начин на кој досега не сте знаеле дека е возможно.
Фокусирајте се на околината, на звуците околу вас, на малиот чекор и звукот што произлегува, само така можете да се ослободите од стресот. Овие чекори се постапни и бараат вежбање кое оди со тек на времето.
Не си телото, туку свеста
Една од главните идеи во врска со концептот за животот воо “моментот” е дека сите ние сме чиста свест, во тело. Љубота и радоста не се надворешен фактор туку внатрешна состојба без разлика на надворешните фактори. Тие може да влијаат но не се неопходни за идентификација. Просветлувањето е свеста за нашето повисоко постоење, за нашата конекција со нашата вистинска природа.
Умот е силно оружје, но многумина не се свесни и несвесно го користат умот, и на тој начин егоистичкиот ум влијае на нас.
Да се биде свесен значи пред се да се постои, да се биде, затоа опсесијата со материјалните нешта и идентификација со нив е всушност тоа што ние не сме.
Илузијата за времето и моќта на сегашноста
Исто како и егото, времето е концепт што е измислен од човековиот ум, или подобра интерпретација би било времето постои само во тродимензионалниот материјален свет. Минатото и иднината се илузорни концепти кои ја оптоваруваат нашата свест и ни прават да се осеќаме многу потешко, неможејќи да се фокусираме во моментот. Животот постои само во моментот, тој се случува сега пред сите нас, и така се што некогаш постои и се што некогаш се случило и ќе се случи, постои само “сега”.
Човек троши премногу време и се преоптоварува со минатото, надевајќи се на подобра иднина. Откажувајќи се од моментот животот во сегашноста и давајќи отпор на сегашноста прави многу потешко да се фокусираме.
Фокусирање на сегашноста
Неколку концепти се важни, едниот е во истиот момент да се тргне фокусот од минатото и иднината, посебно во постојан контекст кога премногу се замараме за иднината и планираме однапред.
Фокусирање на моментот и прифаќање на актуелната ситуација таква каква што е, доколку не можат одредени работи да се променат во моментот тие се прифаќаат.
Да се биде присутен и фокусиран во моментот, присутност и концентрација.
Сè е енергија и сè е поврзано помеѓу себе, односно со се што постои. Водата во океаните, самата вода е поврзана со небото, со облаците. Животните и растенијата, ние сите заедно, целиот свет помеѓу нас.
Сè е дел од Изворот, од Бог, и таму се враќа токму во изворната креација. Така сè е е едно, секогаш било и секогаш ќе биде.
Умот е највисок ентитет
Мислите и од нив произлегуваат емоциите, двете се силна енергија, мислата е најсилната енергија која може да манифестира буквално сè. Тоа што мислиме и осеќаме влијае на работите околу нас.
Умот, умот е владетел на материјата, никогаш обратно, затоа што материјата не постои, таа е еден вид на илузија во физичкиот свет, поради ниската осцилација и на тој начин ја гледаме разделеноста преку материјата, која е замка, но со цел, за напредок затоа што материјата се обликува, преку неа човек осознава, но таа не владее, умот е господар на Бог, тоа е сè што постои, креацијата која е од највисоко ментално ниво.
Научните докази за квантниот дел од материјалниот свет, докажуваат, материја на квантно ниво не постои, така се што има форма и го осеќаме односно гледаме и допираме изгледа дека е одвоено, но всушност се е од еден ист извор, тоа е свеста, највисокиот ментален ентитет.
Материјата која е мисловна и емоционална креација на Бог, е дел од севкупната колективна свест во која сè
што е живо и неживо во физичкиот свет е поврзано меѓусебе. Во нашиот физички свет, сè што мислиме прави разлика, затоа што ние сме енергетски суштества во енергетски свет и каде мислата е највисок ентитет, каде свеста е една, иако разделена во вид на форма и его во физичкиот/материјалниот свет. Па така целта на душата е да спознае и да ја оствари својата волја и да креира.
Свеста
Свеста ја креира реалноста, свеста е највисокиот ентитет, таа е основа на физичкиот свет но и на повисоките постоења во астрално и ментално ниво. Таа во физичкиот свет постои во секој атом, електрон на квантно ниво таа е сеприсутна.
Свеста е облик на умот, во неа се манифестира умот, таа ја креира материјата. Без свеста нема материја, од квантните експерименти веќе знаеме, кога одреден материјален објект на квантно ниво не се набљудува тој всушност не постои. Затоа што нема свест да го измери и да го манифестира. Умот манифестира преку свеста, односно свеста е умот, менталниот ум од висока димензија, креацијата која е сепостоечка и сеповрзана. Сè е свест, сè е енергија, сè е вибрација. Поради одредено ниво на вибрација се случува физичка материја. Заттоа постојат седум поднивоа во физичкиот свет, што е веќе опишано во останатите артикли. Каменот и дрвото имаат различно ниво на свест односно различно ниво на вибрација, но не само што не се одвоени туку тие се едно, затоа што материјата не постои, постои свеста, која ги поврзува со изворната креација од ментално ниво. Тука е еволуцијата на свеста, која од неманифестација се манифестира во разни форми на живот, човекот како најсвесно суштество е сеуште далеку од спознание за своето повисоко постоење.
Сè не е свесно
Не обврнувајте внимание само на живата природа околу вас, обврнете внимание на каменот, на земјата и помислете добро, мислата е највисоката енергија која се канализира во материја, така се гледате себе и кажувате убав збор за себе. Погледнете ја повторно земјата или облаците, односно сè што е креација всушност сте вие самите, бесконечната и безгранична, засекогаш во постоење, мултидимензионална свест.
Свеста постои и во неживата природа, со таа разлика што во различна манифестација е свесна за своето постоење. Човекот е свесен за својот живот, се обидува да еволуира во суперсвесно битие кое е свесно за светлината на Бог, односно за нашето повисоко постоење и за тоа како сме поврзани со и од Извор.
Животните се несвесни, растенијата спијат, минералите се во “кома”. Но сето тоа е манифестиран живот, чиста свест, која чека да биде откриена и да стане свесна, свесна токму за себе.
Една од омилените наши книги што можат да го променат начинот на вашето размислување е книгата од американскиот автор “Michael A. Singer” со наслов, “The untethered soul”
Книгата е достапна во нашата приватна библиотека.
Што значи да се биде не само слободна, туку и “недостижна” душа?
